Búgingi tańda, «Aqyldy qalanyń» úlgilik konsepsııasy bekitilip, qoljetkizý ındıkatory aıqyndalǵan. Bul týraly oblystyq ákimdikte ótken «Sıfrlyq Qazaqstan» memlekettik baǵdarlamasynyń iske asyrylý barysy talqylanǵan jıynda aıtyldy.
Oblys ákimi J.Túımebaevtyń tóraǵalymen ótken májiliste aımaq basshysynyń orynbasary T.Sársembaev atalǵan baǵdarlamanyń oblysta oryndalý barysyn baıandady.
О́ńirdi basqarýda bul júıe tıimdi tásil bolatynyn aıtqan oblys ákimi bul baǵyttaǵy jumystar «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Elbasynyń Joldaýy negizinde ary qaraı damytylý qajet ekenin atap ótti.
«Joldaýdyń onynshy qadamynda Memleket basshysy «Aqyldy qalalar» óńirlik damýdyń, ınnovasııany taratýdyń jáne elimizdiń barlyq aýmaǵynda turmys sapasyn arttyrýdyń lokomotıvterine aınalady-dep atap kórsetti. Sondyqtan da halyqtyń kompıýterlik saýattylyǵyn arttyrý baǵytyndaǵy jumystardy jandandyryp, sıfrlyq júıege kóshýdi josparly túrde júzege asyrýymyz qajet»,-dedi J.Túımebaev.
Sonymen jıynda málim bolǵandaı úlgilik konsepsııaǵa sáıkes «Aqyldy qalany» damytý baǵytyna 11 sala engizilgen. Olar - bilim, densaýlyq saqtaý, turǵyn úı-kommýnaldyq sharýashylyǵy, áleýmettik sala, kólik, memlekettik basqarý, aýyl sharýashylyǵy, ekologııa, týrızm, qaýipsizdikti qamtamasyz etý men qurylys salasy. Búgingi tańda sıfrlyq keńse tarapynan árbir baǵalaýǵa engizilgin salalar boıynsha sıfrlyq tehnologııalardy engizý jospary ázirlendi.
Qazirdiń ózinde Shymkent qalasynda bilim salasy boıynsha birshama smart júıeler júzege asyrylýda. Máselen, oqýshylardyń bilim sapasyn jaqsartý maqsatynda oblystaǵy 779 mektepte «Kúndelik» júıesi engizildi. Sonymen qosa adamı faktor men sybaılastyq áreketti boldyrmaý maqsatynda balǵyndardy balabaqsha men 1-synypqa elektrondy túrde qabyldaý jobasy engizildi. Qazirgi kezde osy qyzmettiń arqasynda 23 myńnan astam bala qalanyń balabaqshalaryna sátti ornalassa, tirkelý úshin 64 myńnan astam joldama berilgen.
Budan bólek, qalada pedagogıkalyq ujymdy irikteý júıesin avtomattandyrý maqsatynda t-hunter baǵdarlamasy engizildi. Osy arqyly shymkenttik muǵalimder jumysqa elektrondy túrde qabyldanýda. Jobany júzege asyrý barysynda 700-den astam úmitker qatysyp, onyń 491 jalpy orta bilim berý uıymdaryna muǵalim retinde jumysqa alynǵan.
Elektrondy formatqa kóshirý boıynsha jumystar júıeli túrde júrgiziletinin jetkizgen oblys ákiminiń orynbasary oblystaǵy bilim salasyn ári qaraı damytýdyń josparyn usyndy.
